ပြည်ပလုပ်သား
သူငယ်ချင်းရေ
တို့တွေက သက်လုံမကောင်းပဲ ပင်လယ်ဖြတ်ရတာ
အသက်ကို သရဏဂုံတင်ပြီးသား
ဒီဗျိုင်းက စားမလားတွေးမိတာပေါ့
ဒီကန်က ရေခမ်းရင်အကုန်သေမယ်အတွေးနဲ့
ကိုယ့်ကရှေ့တန်းထွက်တိုက်ခဲ့တာ
ပို့လိုက်တဲ့ငွေလေး အဆင်ပြေတယ်ဆိုပျော်လို့
ဒီမှာက အထပ်မြင့်အဆောက်အဦးကြား
စူပါမင်းလို လေထဲဝဲနေရတာ
တချို့က သိဒ္ဓိပြီးသူလို
စက်တွေကြား အသက်ကိုအပေါင်ထားရတာ
အမေ့အသံလေးကြည်လာတယ်
ညီမလေးပျော်နေတာကြားရတယ်
အထက်ကပန်းတွေပိုပွင့်ဖို့
မြေအောက်ကို ကျွန်တော်တိုးရဲလာတယ်
အမိမြေကို လွမ်းတိုင်း
လမ်းထိပ်က ပေါ့ကျတစ်ခွက်ကိုလွမ်းတယ်
ဆိုက္ကားမနင်းပဲ အရက်ဆိုင်ချည်းဝင်နေတဲ့ကိုရှည်ကြီးကိုလည်းလွမ်းတယ်
မန်ယူနဲ့ချယ်လ်ဆီးပွဲတိုင်း ရန်ဖြစ်နေကျ
ကိုအောင့်ကိုလည်းလွမ်းတယ်
ကြိုးမညီတဲ့ ဂစ်တာလေးတစ်လက်ပါ
ဖုန်ခါရင်း အသက်ရှုသံတွေကိုသံစဉ်ညှိကြည့်တယ်
ပြတင်းပေါက်ဖွင့်လိုက်ရင်
မလိုချင်တဲ့ ပတ်ဝန်းကျင်ကြီးပဲမြင်ရလို့
ရွှေတိဂုံဘုရားပုံ ကပ်ထားတယ် ...
အပျော်ဆိုလို့
မမြင်ဘူးတဲ့ ဖေ့ဘုတ်ကသူငယ်ချင်းတွေပဲရှိတယ်
ပြီးခဲ့တဲ့လက ငွေပိုတယ်
ဒီလ အဆင်မပြေဘူး
လက်တစ်ချောင်းပြတ်ရင် ဘယ်လောက်
အသက်တစ်ချောင်းဆုံးရင် ဘယ်လောက်ဆိုတဲ့ သူတို့မြေမှာ
သူ့ကျွန်လုပ်ရင်း သူ့ဆန်စားတော့
ငါ'လူဆိုတာကို မေ့ထားရတယ်
ရွာမှာလယ်တွေပျက်တယ်ဆို
အိမ်လေးရော ဘယ်လိုနေလဲ
ညီမလေးရေ ဘာဖြစ်ဖြစ်စိတ်ဓာတ်မကျနဲ့
အမေ့ဆေးဖိုးမနှမြောနဲ့ အစ်ကိုရှာပို့မယ်ပြောပေးနော်
ချည်ထားတဲ့ ခါးကြိုးကအာမခံပါတဲ့
ပြည်ပရောက်နေတဲ့ ဆောက်လုပ်ရေးမြန်မာလုပ်သား ဒီလတော့အလုပ်ပိုလုပ်မှဖြစ်မယ်တွေးမိတဲ့အတွေးတချက်အဆုံး
ခါးကသိုင်းကြိုးပြတ်သွားတယ်
အမေ
ညီမလေး ...
သူနူတ်ခမ်းလေး လှုပ်လို့တစ်ခုခုပြောဖို့ကြိုးစားပေမယ့်
သေမင်းကရက်စက်လွန်းခဲ့တယ် ။
( သူဘာတွေတွေးးလို့ ဘာပြောချင်သွားသလဲတော့
ခံစားဖူးသူမှပဲ သိနိူင်မယ် ) ။
Ko Lynn
Myanmar Kyat Exchange Rate